Një aksident me vdekje ka ndodhur këtë të Martë në Kamëz.
Një 30-vjeçar ka humbur jetën. Ai ka qenë duke drejtuar një motoçikletë që ka dalë nga rruga dhe është përplasur me një shtyllë tensioni. Përplasja ka rezultuar fatale për jetën e të riut.
“Rreth orës 13:35, në Kamzë, në vendin e quajtur ‘Tre fushat’, shtetasi E.K., rreth 30 vjeç, duke drejtuar motomjetin, ka humbur kontrollin mbi drejtimin e motomjetit dhe ka dalë nga rruga duke u përplasur me një shtyllë tensioni. Si pasojë e përplasjes, shtetasi E.K. ka humbur jetën në vendngjarje”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
