Sekuestrimi i 119 kg kokainë, brenda pakove me banana të një kompanie private në Tiranë, ka ngritur mjaft pikëpyetje mbi vigjilencën e punonjësve të skanimit në Portin e Durrësit dhe Policinë e Shtetit.
Nëse nuk do mernin një telefonatë në datën 30 dhjetor nga administratori i kompanisë së bananeve, struktura e policisë nuk do kishin mundur të mësonin asnjë informacion, mbi këtë linjë trafiku të kokainës.
Në kontenjerin me banane rezulton se mungojnë 106 kuti, të cilat besohet se janë hequr në Itali dhe Shqipëri. Ndërsa hetimet tashmë janë fokusuar në operatorët e vëzhgimit në skanerin e Durrësit. Çështja në fjalë pritet ti kalojë për hetime të mëtejshme Prokurorisë së Posaçme SPAK.
Informimi i Drejtorëve
Drejtori i Përgjithshëm, Gledis Nano dhe Drejtori tjetër Tonin Vocaj, është vënë në dijeni, se çfarë kishte ndodhur vetëm një ditë më pas.Pikërisht pas njoftimit të pronarit të kompanisë Trifon Murataj dhe administratorit, Marson Murataj, ndërsa ky i fundit ishte njoftuar nga shoferët e firmës, Gëzim Kalaja dhe Hasan Saliaj.
Ndërsa strukturat e hetimit të trafikut të narkotikëve s’kanë pasur asnjë informacion.
Saliaj është shoferi që mbrëmjen e 29 dhjetorit 2021, ka pasur kontakt me 4 personat, që i kanë dalë në fshatin Romanat të Durrësit dhe detyruar të ndalojnë.
Kërkonin televizora Plazma
Sipas dëshmisë së tij, personat e kanë detyruar të hapë krahun dhe pasi e kanë zbritur në tokë, kanë kontrolluar kamionin.
“…Ata më thanë se jemi të shtetit, jemi të policisë, pasi kishin dhe armë me vete. I besova dhe i lashë të kontrollonin kamionin. Ata me njëri-tjetrin flisnin se kërkonin televizora plazma, por në kamion kishte vetëm banane…”-ka treguar shoferimi i kompanisë.
Katër personat u larguan me shpejtësi, me kërcënimin tek shoferi se nëse do të fliste do ti zhduknin familjen.
Pas njoftimit të marrë nga punonjës të kompanisë e cila ndodhet në Vaqarr, Tiranë, një ditë më vonë më datë 30 dhjetor 2021, rreth ores 10:30, është shkuar në ambjentet e magazinave të kësaj kompanie, ku është konstatuar një automjet kamion me targë AA 126 RE, i cili kishte të ngarkuar arka bananesh në kontenjerin.
Kontenjeri u gjend i hapur dhe jashtë tij ishin dhe 4 (katër) paleta me arka bananesh sipër, të cilat ishin shkarkuar nga ky kontenjer dhe ishin në ambjentet e magazinës së firmës.
Gjatë kontrollit të ushtruar në arkat e bananeve të këtij kontenjeri u konstatuan poshtë bananeve në shtatë arka bananesh, brenda të cilave ka material pluhur të ngurtësuar, me pako në formë drejtkëndëshi të mbëshjella me natriban. Poshtë qese ngjyrë të bardhë të dyshuar si lënde narkotike kokainë.
Pasi u numëruan pakot me lëndë të dyshuar natkotike rezultuan 100 copë pako me lëndë të dyshuar narkotike, të llojit Kokainë.
/Ora News/
