Tofik Xhika, 43 vjeç, prej 8 ditësh vijon të konsiderohet i zhdukur, ndërsa dyshimet janë se u mbyt në ujërat e Lumit Drin, ku kishte shkuar për të peshkuar.
Gjithsesi trupi i 43-vjeçarit ende nuk është gjetur, ndërsa prej më shumë se njv jave, familjarë të tij, banorë të zonës, policia si dhe polumbarët e RENEA vijojnë kërkimet.
Polumbarët e RENEA kërkuan 2 ditë me rradhë në ujrat e Drinit, por për shkak të prurjeve të shumta dhe ujit të turbullt ato u tërhoqën, duke lënë të kërkojnë vetëm familjarët.
Në këto kushte familjarët kanë marrë privatisht 2 polumbarë për të kryer kërkime, por pa rezultat. Familjarët dhe banorët nuk kanë reshtur së kërkuari edhe ditët e para të vitit të ri.
Sot familjarët kërkojnë sërish ndihmën e shtetit, për të kërkuar trupin e 43 vjeçarit.
