Një aksident i rëndë ka ndodhur pasditen e sotme në autostradën Vlorë-Fier. Në aksident janë përfshirë dy automjete, ndërsa raportohet për plagosjen e një vajze, që ishte pasagjere.
Sipas policisë, aksidenti ka ndodhur mes një makine tip “Mercedes Benz” dhe një tjetre tip “Seat”.
Vlorë/Informacion paraprak
Më datë 02.01.2022, rreth orës 18:05, në autostradën Vlorë-Fier, në afërsi të nënkalimit të Novoselës, shtetasi N.A.,27 vjeç, duke drejtuar automjetin tip “Benz” është përplasur me automjetin tip “Seat” me drejtues shtetasin M. D., 26 vjeç, banues në Fier.
Si pasojë e përplasjes është dëmtuar pasagjerja e mjetit ” Seat”, e cila ndodhet në spitalin e Vlorës, nën kujdesin e mjekëve.
Grupi hetimor po punon për zbardhjen e plotë të rrethanave të aksidentit.
