Një aksident i 3-fishtë ka ndodhur në aksin Fushë Krujë-Thumanë, ndërsa ka mbetur e plagosur një shtetase.
Në aksident janë përfshirë 3 automjete, ndërsa e plagosura, shtetasja K.Gj, ishte pasagjere në një prej makinave.
Ajo ndodhet në spital jashtë rrezikut për jetën.
Durrës/Informacion paraprak
Rreth orës 14:25, në aksin rrugor Fushë-Krujë Thumanë, një automjet me drejtues shtetasin R. K., është përplasur me automjetin me drejtues shtetasin P. Gj., dhe gjatë përplasjes është përfshirë dhe automjeti me drejtues shtetasin Sh. S.
Si pasojë e përplasjes është dëmtuar shtetësja K. Gj., që ndodhej në automjetin që drejtonte shtetasi P. Gj, e cila ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
