Drejtuesi i punimeve të grupit të OSSH në Memaliaj, Altin Zhupa, u lirua sot nga gjykata, pas arrestimit dy ditë më parë më akuzën e shkeljes së rregullave të mbrojtjes në punë.
Arrestimi erdhi disa ore pasi elektricisti i OSHEE Agron Manaj 55 humbi jetën teksa ra ne kontakt me linjën e tensionit të larte gjatë një inspektimi rutinor.
Viktima ka qenë nën shoqërinë e kolegut Adriatik Hasimi dhe ky i fundit ishte i pari që e gjeti të pajetë.
Nisur nga provat e mbledhura nga grupi hetimor si dhe nga ekspertiza në vendngjarje e Inspektoriatit Shtetëror Teknik dhe Industrial nga Tirana, hoqi përgjegjësinë direkte të Altin Zhupës, por jo tërësisht papërgjegjësi për atë që ndodhi.
Kjo u reflektua edhe në kërkesën e prokurorit Juljan Çafka, i cili kërkoi masën “Detyrim Paraqitje” çka u mbështet edhe nga kryesuesja e seancës gjyqësore Blerta Çibuku.
Altin Zhupa është i detyruar të paraqitet një herë në javë në organin e akuzës në Gjirokastër derisa te zbardhet në themel çështja.
