Pak ditë më parë, Albi Bashaliu, një i ri 35 vjeç, u ekzekutua me një plumb në kokë në fshatin Gjoçaj të Peqinit. I riu u qëllua nga persona ende të paidentifikuar, të cilët u larguan nga vendi i krimit duke rrëmbyer makinën e viktimës, e cila u gjet e braktisur në afërsi të Kavajës.
Fillimisht u raportua se Bashaliu mund të ishte vrarë për hakmarrje, pasi vëllai i tij ndodhet në burg për një krim të kryer në qershor të 2021, ku vrau për motive të dobëta një bashkëqytetarin e tij.
Por së fundmi raportohet se policia e Peqinit po heton edhe në pistën e pazareve të drogës, që mund të kenë çuar në ekzekutimin e Albi Bashaliut.
Nga burime, të cilat i referohen mediat, thuhet se viktima ishte kërcënuar pak ditë para ekzekutimit, nga persona të paidentifikuar. Policia dyshon se një ngarkesë lënde narkotike e kapur në kufi me Greqinë të jetë dhe shkaku kryesor i vrasjes së tij.
Viktima sipas informacioneve dyshohet se ka pasur rreth 200 000 euro borxh personave të ndryshëm, që mund të jenë dhe autorët e ekzekutimit të tij. Gjithsesi kjo është një nga pistat ku grupi hetimor po heton për zbardhjen e vrasjes.
Ekzekutimi i Albi Bashaliut është bërë më 27 dhjetorit në fshatin Gjocaj të Peqinit në momentin që ai ishte ne lokal, dikush e thirri në emër nga jashtë, doli dhe më pas autorët e kanë qëlluar menjëherë.
Policia e Elbasanit ka arrestuar dy persona, të dyshuar si përkrahës të autorëve të vrasjes së të riut Albi Bashaliu, që ndodhi disa ditë më parë në Peqin.
Personat e arrestuar janë shtetasit Veiz Bashali dhe Mikel Xhaja, të dy banues në fshatin Gjocaj Peqin.
