Arjan Çani, i ftuar në emisionin “Të Paekspozuarit” në MCN TV, ka folur për shpalljen non-grata të Sali Berishës nga SHBA, duke deklaruar se ajo ka ardhur si pasojë e disa faktorëve, por sipas gazetarit, arsyeja thelbësore, është fakti se amerikanët u lodhën me dualizmin në PD dhe donin vetëm një kryetar, me të cilin mund të bisedonin për punët e tyre.
“Arsyet për të cilat arriti dora e shefit të DASH të firmosë non-grata Berishën, mund të jenë shumë. Ne mund të hedhim shumë hipoteza. Por, unë them se përveç lobimit të Soros, inati që e kanë marrë ambasadorët amerikanë, etj, të gjitha mund të kenë ndikuar. Rama, Soros, Erdogan, Vuçiç, ndarja e kufijve, etj.
Por, për mua, cila është arsyeja kryesore e pathënë? Është pikërisht fakti se amerikanët u lodhën, nuk mund të komunikonin edhe me Bashën edhe me Berishën. Basha u thoshte jam dakord me ju, por kam atë lart. U lodhën.
Tani, shtoji dhe këto arsyet e tjera, është multifaktoriale”, tha Çani.
