Duke filluar nga data 2 janar 2022, shqiptarët nuk do të mund të kalojnë kufirin e Malit të Zi duke treguar vetëm testin negativ të Covid-19.
Rregullat e reja të vendosura nga Qeveria malazeze parashikojnë që udhëtarët nga Shqipëria duhet të paraqesin certifikatën e vaksinimit, ose vërtetimin që personi ka kaluar Covid-19, si dhe të ketë testin Antigen jo më të vjetër se 48 orë.
NJOFTIMI
Ministria për Evropën dhe Punët e Jashtme njofton masat e reja për hyrjet në Malin e Zi
Duke filluar nga data 02 janar 2022, lejohet të kalohet kufiri:
Me certifikatë vaksinimi të plotë me numrin e duhur të dozave, dhe nga doza e dytë të mos ketë kaluar më shumë se 6 muaj.
Me vërtetimin se personi ka kaluar kovidin (që ka kaluar jo më pak se 10 ditë dhe jo më shumë se 180 ditë nga testi pozitiv PCR ose i shpejtë antigen).
Në të dyja rastet personi duhet të ketë patjetër ose testin negativ PCR jo më të vjetër se 72 orë, ose testin e shpejtë Antigen jo më të vjetër se 48 orë.
Kjo do të thotë që nuk është më e mundur hyrja në Mal të Zi vetëm me test negativ.
