Një aksident me vdekje ka ndodhur një ditë më parë në Berat, bëri me dije këtë të Mërkurë policia lokale.
Një 56-vjeçar u përplas nga një automjet dhe për pasojë humbi jetën.
“Nga specialistët e Sektorit për Qarkullimin Rrugor u bë arrestimi i shtetasit A.N., 56 vjeç, banues në Berat si dhe u procedua penalisht shtetasja S.Z., 20 vjeçe, banuese në Dimal, pasi dje rreth orës 18:00, në aksin rrugor Berat-Poshnje, aksidentuan këmbësorin shtetasin K.R., 56 vjeç, banues në Moravë, Berat, i cili humbi jetën”, njoftoi policia.
Materialet i kaluan Prokurorisë së Rrethit Gjyqësor Berat, për veprime të mëtejshme, shtuan të njëjtat burime.
