Është mbyllur 1-1 ndeshja e javës së 20-të të Premier League mes Southampton dhe Tottenham.
Vendasit kanë kaluar në avantazh në minutën e 25-të me Ward-Prowse, ndërsa miqtë kanë barazuar me një penallti të Kane në të 41-ën.
Një penallti e shkaktuar nga Salisu, i cili është ndëshkuar me kartonin e dytë të verdhë dhe ka lënë skuadrën me 10 lojtarë.
Spurs kanë gjetur golin e avantazhit në minutën e 53-të me Kane, por që është anuluar nga VAR për një pozicion jashtë loje.
Në minutën e 71-të është aktivizuar edhe ylli i Shqipërisë, Armando Broja, i cili ka ndihmuar skuadrën të mbrojë rezultatin dhe të marrë një pikë të rëndësishme.
Fitojnë West Ham dhe Palace, me të parët që kanë mundur 4-1 me përmbysje Watford-in në transfertë dhe të dytët 3-0 Norwich në shtëpi.
