Dy elektriçistë të OSHEE-së janë plagosur këtë të Martë në fshatin Çërrilë të Memaliajt. Teksa punonin, kanë rënë në kontakt me rrymën elektrike. Një prej tyre është dëmtuar rëndë, ndërsa tjetri ka marrë dëmtime të lehta, konfirmoi policia.
“Rreth orës 11:00, jemi njoftuar se në fshatin Çërrilë, Memaliaj, shtetasit A.H., 55 vjeç dhe A.M., 54 vjeç banues në Çërrilë, Memaliaj (punonjës të OSHEE), duke punuar në një shtyllë tensioni për të riparuar linjën elektrike në fshatin Çërrilë, kanë rënë në kontakt me rrymën elektrike. Për pasojë shtetasi A.M., është dëmtuar rëndë, i cili u transportua për në spitalin Gjirokastër dhe shtetasi A.H. ka marrë dëmtime të lehta”, njoftoi policia.
Grupi hetimor po kryen veprimet e mëtejshme hetimore për sqarimin e rrethanave të ngjarjes, shtuan të njëjtat burime.
