Kryeministri Edi Rama ka dhuruar sot show e rradhës në Laç, duke iu dorëzuar familjeve që prej dy vitesh ishin pa banesa për shkak të tërmetit të 26 nëntorit 2019, celësat e shtëpive të rindërtuara.
Përtej propagandës dhe show të Kryeministrit, ajo që bie në sy është fakti se masat anti-Covid, aq shumë të trumpetuara nga Komiteti Teknik i Ekspertëve, zerohen kur bëhet fjalë për takimet e Edi Ramës.
Video e mëposhtme tregon disa qindra persona, që janë ngjitur dhe pa paska mbrojtëse, që i janë bashkuar show të Kryeministrit.
Dhe përtej mosrespektimit të masave, të cilat vetë Edi Rama, i ka përzemër ti përmendë, Kryeministri ka shfrytëzuar një ceremoni, për të thumbuar situatën në PD, ku Lulzim Basha, me ndryshimet e bravave të zyrave të partisë më të madhe opozitare, është kthyer në një personazh humori.
“Shtëpia është e juaja përveç sigurisë që duhet të garantoni për bravën, maksimumi që mund t’ju bëjnë ata që ngrenë 2 gishtat lart, është t’ju ndryshojnë ngjyrën e bravës, por askush s’ua merr dot shtëpinë, është e juaja mund të bëni ç’të doni. Kur u bënë zgjedhjet filluat të mendonit se tani që s’na dhatë votat kushedi, mend për herë tjetër, se për mua nuk ndryshon gjë… Edhe për të më sharë, do hyni në shtëpi de do thoni këtë shtëpinë na e bëri por është burrë i poshtër shumë”, tha Rama.
