Dega e Partisë Demokratike në Gjirokastër ka reaguar ndaj deklaratave të Roland Bejko, i cili i ka bërë thirrje SPAK që të hetojë ish-Kryeministrin Sali Berisha.
Dega e PD-së Gjirokastër i ka bërë edhe 4 pyetje Bejkos, ndërsa thekson se ai po flet me gjuhën e Taulant Ballës.
Më poshtë deklarata e plotë:
Partia Demokratike e Gjirokastrës distancohet plotësisht nga prononcimet e papërgjegjshme dhe absurde të ish-anëtarit të Këshillit Kombëtar, të ish-Sekretarit për Pushtetin Vendor e Decentralizimin, të ish-kandidatit për deputet në Qarkun tonë, z.Roland Bejko.
Ne si demokratë, si aktivistë dhe si votues edhe të Partisë Demokratike, edhe të z.Bejko, i kërkojmë atij t’u përgjigjet disa pyetjeve dhe shqetësimeve tona:
1. Qëkur një demokrat i vërtetë flet e sokëllet me gjuhën e Taulant Ballës?
2. Z.Bejko, me çfarë autoriteti flet ti në emrin tonë?
3. Sa delegatë të erdhën nga Qarku Gjirokastër në pseudo-kuvendin e 18dhjetorit? Sa autoritet ke?
4. Kur do ngresh ndonjë shqetësim, apo problematikë tonën ne kohën tënde të shpërdoruar televizive për mbrojtjen e interesave meskine të Lulzim Bravës?
Ndiejmë keqardhje dhe na vjen turp që rrimë e merremi me ju, ndërkohë që Gjirokastra vuan, lëngon dhe shkatërrohet ditë për ditë.
Ju nuk keni ditur dhe as keni dashur t’i dilni për zot asaj.
Partia Demokratike e Gjirokastrës do të vazhdojë të qëndrojë e fortë, stoike, e papërulur përballë regjimit të Edvin Malavitës.
Ne u themi anëtarëve tanë, por edhe gjithë bashkë-qytetarëve të Gjirokastrës se do i shërbejmë me devocion interesit publik dhe jo meskinitetit donkishotesk të individëve të caktuar.
#PartiaDemokratikeMbiTëGjitha!
#RroftëGjirokastra!!
#Fitore!!!
