Vrasja e Albi Bashaliut mëngjesin e së hënës, dyshohet se është një krim me pagesë, ndërsa pista krzyesore ku po hetohet është ajo e hakmarrjes.
Sipas burimeve, ngjarja mbetet ende pa autorë, ndërsa policia shpreson të gjejë gjurmë të tyre në makinën e viktimës të cilën e braktisën në Kavajë.
Dëshmitarë e të afërm të viktimës, sikurse edhe anëtarë të familjes Bashaliu janë marrë në pyetje në funksion të hetimit.
Por 24 orë pas vrasjes asnjë person nuk është në pranga.
Dëshmitë dhe dinamika e ngjarjes ndërkohë sugjerojnë se ekzekutimi i Albi Bashaliut mund të jetë kryer nga vrasës me pagesë.
Ekzekutimi mendohet se ka qenë i planifikuar mirë.
Dy autorët kishin dijeni për lëvizjet e 35-vjeçarit ndaj i bënë pritë pranë lokalit të fshatit ku e vranë në mes të rrugës.
Skenarin e prishi vetem makina me të cilën ata erdhën në vendngjarje të cilën u detyruan ta djegin, pasi nuk u ndez gjatë tentativës për tu larguar.
Në këto kushte ata u detyruan të improvizojnë, duke rrëmbyer makinën e viktimës, e cila u gjet e braktisur në fshatin Gosë të Kavajës.
Burimet thonë se makina nuk është e djegur, çka u jep shpresë ekspertëve për gjetjen aty të provave të mundshme biologjike që mund të çojnë në identifikimin e ekzekutorëve të Albi Bashaliut.
