Vijojnë kërkimet për 49 vjeçarin Tofik Xhika, i cili dyshohet të jetë mbytur mbrëmjen e djeshme në ujërat e lumit Drin.
Xhika kishte lënë makinën tek lokali i fshatit Fushë Alie dhe kishte shkuar për të peshkuar në lumin Drin. Pasditen e djeshme dhe gjatë natës kanë kërkuar rreth 200 burra, dhe forcat e policisë, por pa rrezultat. Kërkime me gomone janë bërë edhe nga disa banorë në brigjet e Drinit.
Mëngjesin e sotëm kanë rinisur kërkimet. Banorët kërkojnë ndihmën e palumbarëve, pasi kanë kërkuar në një gjatësi prej 2 km, dhe nuk kanë mundur ta gjejnë.
