Taulant Balla, kreu i Grupit Parlamentar socialist, ka mohuar që të ketë darkuar apo drekuar me Lulzim Bashën.
“Nuk kam ngrënë asnjë drekë apo darkë me Lulzim Bashën, gjatë të gjithë jetës sime”, u shpreh Balla. Sipas tij, Sali Berisha është i shpallur “non grata” nga SHBA dhe ai nuk duhet të marrë asnjë vëmendjen.
Balla i drejtoi një apel institucioneve të drejtësisë që të përfundojnë hetimet e nisura për shumë çështje që kanë mbetur papërfunduar.
“Isha në një ngushëllim te një mik, ku kishte edhe shumë njerëz të tjerë, sepse aty kishte edhe shumë persona që kanë mbështetur foltoren”, tha Balla.
Ai tha se me Lulzim Bashën është në një gjyq për shpifje, duke shtuar se takimi i vetëm me të, do të jetë vetëm në Gjykatë.
Pak ditë më parë, ish-Kryeministri Sali Berisha deklaroi se Lulzim Basha, Taulant Balla dhe Erion Veliaj kishin darkuar bashkarisht, madje ai tha se të tre kishin tharë edhe një shishe raki skrapari.
