Më 26 dhjetor të 1990 u krijua dega e PD-së në Durrës, dy javë pas themelimit të Partisë Demokratike, mbrëmjen e 11 dhjetorit të atij viti. Ish-deputeti Igli Cara ka kujtuar përmes njv postimi në rrjetin social 31 vjetorin e krijimit të degës në qytetin bregdetar, duke përmendur edhe emrat e nismëtarëve, që hodhën firmat në ato ditë të vështira.
“Në këto 31 vite të vështira, të shoqëruara me krenari, sukses, sfida, por edhe zhgënjim, Partia Demokratike duhet të mbetet shpresë për të ardhmen, për të gjithë! Misioni nuk ka mbaruar! Eshtë detyrim i demokratëve të vërtetë dhe të mençur, të zgjidhin dhe problemet e brendshme të kohëve të fundit, për ta rikthyer PD si forcë qeverisëse dhe në të njëjtën kohë edhe besimin e shpresën te të gjithë, që ky vend behet…!”, shkruan Cara.
Postimi nga Igli Cara
26 dhjetor!
Shpresoj e besoj, se të gjithë demokratët e Durrësit duhet ta kujtojnë këtë datë, që shënon themelimin e Partisë Demokratike në qytetin tonë, 31 vite më parë.
Koha që kalon, për më tepër pas 8 viteve në opozitë, për dialektikë duhet t’i zbehë përvjetorët e një force politike, por ky rregull nuk mund dhe nuk duhet të vlejë për Partinë Demokratike, që lindi si shprehje e revoltës ndaj regjimit komunist, mungesës së lirive themelore të njeriut, dhunës e terrorit dhe që lajtmotiv të saj pati dhe ka lirinë e demokracinë.
Është nder të rikujtojmë me mirënjohje nismëtarët:
Minush Jero, Vaso Llapa, Bardhyl Baltëza, Artan Hoxha, Fatmir Beluli, Shyqyri Cara, Bersant Duçkollari, Shkëlqim Shtylla, Hektor Gjiri, Halil Myrto, Krenar Koci, Dashamir Myftiu, Bahri Hoxha, … dhe shumë e shumë të tjerë, që në ato ditë dimri, të fundit të 90-ës u bënë pjesë e forcës politike, që shumë shpejt do të shndërrohej në shpresë për shqiptarët.
Në këto 31 vite të vështira, të shoqëruara me krenari, sukses, sfida, por edhe zhgënjim, Partia Demokratike duhet të mbetet shpresë për të ardhmen, për të gjithë! Misioni nuk ka mbaruar! Eshtë detyrim i demokratëve të vërtetë dhe të mençur, të zgjidhin dhe problemet e brendshme të kohëve të fundit, për ta rikthyer PD si forcë qeverisëse dhe në të njëjtën kohë edhe besimin e shpresën te të gjithë, që ky vend behet…!
