Altin.A, 41 vjeç i cili ishte dëbuar dhe më pas kishte rihyrë ilegalisht në Itali është arrestuar nga karabinierët.
Ai ishte dëbuar prillin e kaluar nga Italia, por ishte rikthyer sërish në mënyrë ilegale. 41-vjeçari ishte arrestuar në vitin 2014 pasi akuzohej për vrasjen e një senegalez në “Via Ormea.” Mediet italiane bëjnë me dije se ndalim i tij është bërë nga karabinierët e rajonit të Courgne në Itali, pasi një vit më parë ai ishte deportuar, për shkak të rrezikshmërisë së lartë që paraqiste për shkak të veprave të rënda penale që rëndonin ndaj tij.
Ai ishte pjesë e një grupi prej 6 personash të cilët më 27 maj vranë senegalezin Badara Sylla Alioune me armë, pasi kishte mërzitur disa nga prostitutat nën administrimin e shqiptarëve.
41-vjeçarit tani i është caktuar masa e “arrestit shtëpiak” dhe është në pritje të gjykimit më 12 janar 2022.
