Armando Broja duket sikur e ka fituar vendin e titullarit te skuadra e Southamptonit dhe pritet që të zbresë në fushë ditën e nesërme ku do të përballet me West Hamin.
Në prag të kësaj ndeshjeje ka folur edhe trajneri Ralf Hazenytel, që ka thurur lavde për sulmuesin e Kombëtares shqiptare.
“Më kujtohet kur ai u fut në lojë dhe kishte disa raste të mira për shënim. Ai mori shansin në rastin e dëmtimit të partnerit të tij në sulm dhe tani ka treguar se është në vendin dhe kohën e duhur për të shfrytëzuar rastet. Kjo është ajo që duhet të bësh si një lojtar i ri. Ai është lojtar shumë cilësor dhe si zëvendësues, por ka treguar se duhet ta nisë ndeshjen nga fillimi. Ai ka shënuar katër gola, kur i ka nisur si titullar ndeshjet, ka bërë paraqitje mbi mesataren për të qenë i sinqertë”, është shprehur trajneri i Southamptonit.
