Alvisa dhe Bashkimi duket se e gjejnë veten tek njëri-tjetri dhe mendojnë se ka ardhur momenti që të lënë programin “Përputhen”, për të vazhduar jashtë njohjen e tyre.
Mbrëmjen e sotme, në “Prime” u transmetua një takim shumë romantik i dyshes, ku Bashkimi i propozoi konkurrentes: “A dëshiron ta lëmë programin dhe të vazhdosh njohjen jashtë me mua?”.
Alvisa pranoi dhe të gjithë në studio u ngritën në këmbë duke duartrokitur. Bora Zemani dhe opinionistët e përgëzuan Bashkimin për mënyrën se si i propozoi Alvisës për të dalë.
“Si u ndjeve?”, e pyeti më tej Bora Alvisën.
“Shumë mirë. Më ka bërë dhuratën më të bukur për Krishtlindje duke qenë se unë i festoj . E vlerësoj se ka qenë me mua në të mirë e në të keq. Rrugëtimi me kamera mori fund por do vazhdojmë të njihemi jashtë”, u shpreh Alvisa.
