Ministria e Shëndetësisë e Kosovës njoftoi këtë të Shtunë se janë regjistruar 16 raste të reja me koronavirus, nga 2.142 testime.
Sipas njoftimit, në 24 orët e fundit nuk është shënuar asnjë rast i vdekjes nga COVID-19.
Në total numri i rasteve aktive është 342.
Sa i përket vaksinimit, në 24 orët paraprake autoritetet kanë administruar 1,390 doza të vaksinave kundër koronavirusit. Që nga muaji mars, kur nisi fushata e imunizimit e deri më 25 dhjetor, në Kosovë me dy doza të vaksinës janë imunizuar 780,024 qytetarë.
