Të shtëna me armë janë raportuar në lagjen “Kodra e Diellit” në Prishtinë.
Zëdhënësja e policisë për rajonin e Prishtinës, Florie Ahmeti, bëri të ditur se rreth orës 15:00 është raportuar për një gjuajtje me armë zjarri në lagjen Kodra e Diellit, në Prishtinë.
“Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karakterizojnë rastin. Bazuar në të dhënat fillestare, në këtë rast një person është lënduar, dyshohet nga përleshja fizike”, ka deklaruar Ahmeti.
Policia ka identifikuar dhe arrestuar dy persona.
“Lidhur me këtë rast deri tani janë identifikuar katër persona të dyshuar dhe të njëjtit janë arrestuar nga ana e policisë. Aktualisht hetuesit policor kanë nisur një hetim për sqarimin e të gjitha rrethanave që lidhen me rastin”, ka deklaruar Ahmeti, raporton Express.
