Prokuroria e Vlorës ka caktuar masën e sekuestros preventive për dy apartamente dhe katër llogari bankare. Masa vjen në kuadër të një hetimi për pastrim parash.
Prokuroria njofton se ka regjistruar kryesisht procedimin penal nr.1264, të vitit 2019, që bën fjalë për veprën penale të parashikuar nga neni 287 i K.Penal “Pastrimi i produkteve të veprës penale ose veprimtarisë kriminale” pas të dhënave të administruara në bashkëpunim me strukturat seksionit kundër krimit ekonomik dhe korrupsionit në Drejtorinë e Policisë së Qarkut Vlorë, ndaj shtetaseve Xhevahire Biraçi dhe K.M.
Në funksion të hetimit paraprak të këtij procedimi penal, prej Prokurorisë është vendosur caktimi i masës së sigurimit pasuror e sekuestros preventive për pasuritë e mëposhtme:
- Pasuria e paluajtshme: Apartament banimi me sip 41.3 m2, në lagjen “1 Maji”, rruga Transballkanike, Vlorë me blerës shtetasen Xhevahire Biraçi.
- Pasuria e paluajtshme: Apartament banimi me sip 41.3 m2, në lagjen “1 Maji”, rruga Transballkanike, Vlorë me blerës shtetasen Xhevahire Biraçi.
- Pasuri e luajtshme, llogari bankare prane Raiffeisen Bank me gjendje 2.365,306.44 lekë; llogari bankare me gjendje 17,847.80 euro, llogari bankare me gjendje 780.51 USD, në emër të shtetasit Olti Biraçi (djali i Xhevahire Biraçi).
- Pasuri e luajtshme, llogari bankare prane OTP Bank, në monedhën Euro me balancë 11,999.06 euro, në monedhën Lek me balancë 640,041.32 lekë në emër të shtetasit Olti Biraçi.
- Pasuri e luajtshme, llogari bankare prane UNION BANK, në monedhën EURO, me balancë 9000 EURO, në emër të shtetases Xhevahire Biraçi.
- Pasuri e luajtshme, llogari bankare prane Bankes Kombetare Tregtare (BKT), me balance 861,386.17 lekë, në emër të shtetases Xhevahire Biraçi.
Hetimet për këtë procedim penal vijojnë, njofton prokuroria.
