Të paktën katër persona kanë vdekur pasi një varkë me dhjetëra emigrantë u fundos në veri-perëndim të ishullit të Kretës në Greqi.
Me fatalitet përfundoi edhe një tjetër lundruese me refugjatë e cila u përmbys të mërkurën në Detin Egje e ku shumë nga ta vazhdojnë të mos gjenden edhe pas kërkimeve në ujë.
Këtë rrugëtim të rrezikshëm e kaluan edhe shumë migrantë të tjerë që përfunduan në malet bjelloruse me shpresën se do të kalojnë kufirin polak për të hyrë në shtetet e Bashkimit Europian.
Pasi fituan vëmendjen botërore muajin e kaluar, ku u përpoqën të sulmonin kufirin dhe u bllokuan nga gazi lotsjellës dhe policia polake, qindra të tillë vazhdojnë të shpresojnë se fati i tyre do të ndryshojë.
Megjithatë qëndrimi disamujor në një kamp të improvizuar është vështirësuar tani kur temperaturat kanë rënë nën minus 10 gradë.
Përkundër kushteve të rënda ata thonë se janë të gjendje të presin për aq kohë sa duhet vetëm për të mos u kthyer në vendlindjet e tyre, ku thonë se përballen me rrezik vdekjeprurës.
