Një 27-vjeçar është arrestuar si autori i dyshuar i grabitjes me thikë të pikës së dhënieve të kredive “Kredo.al” në Peshkopi, të Martën.
Jeton Bardhi u vu në pranga në Durrës.
“Bazuar në informacionet e mara në rrugë operative nga strukturat hetimore të DVP Dibër u bë lokalizimi i vendndodhjes së autorit të dyshuar. Falë bashkëpunimit me DVP Durrës u bë kapja dhe arrestimi i shtetasit Jeton Bardhi 27 vjeç, banues në fshatin Sinë, Dibër”, njoftoi policia.
“Nga veprimet e kryera ka rezultuar se ky shtetas, i maskuar dhe nën kërcënimin e një mjeti prerës (thikë), ka marrë shumën 179.100 lekë të rinj në një institucion financiar”, shtuan të njëjtat burime.
