“Cotton Eye Joe” është hiti i njohur ndërkombëtar i grupit të njohur “REDNEX” i cili ishte mjaft i famshëm në vitet ’90. Kënga ritmike ka mbetur në kujtesën e dëgjuesve të saj me harenë që përcjell, por kuptimin e saj nuk e kemi ditur ndonjëherë.
Përpara se “REDNEX” të performojë në koncertin festiv të Krishtlindjeve në Tiranë, bëri një ndalesë në studion “Rudina” në Tv Klan për një intervistë gazmore. Veronika Maras Karchova, Christian Sterba, Pawel Krystian Lapczynski, Jan Blumentrath dhe Uwe Heinz Grunert rrëfyen edhe kuptimin e kësaj kënge që na ka shoqëruar prej vitesh. Këngën e njohur dhe një repertor të zgjedhur që do të performohet në koncert do të keni mundësi ta ndiqni drejtpërdrejt edhe në ekranin e Klan Plus.
Rudina Magjistari: Cili është kuptimi i kësaj kënge? Gjithmonë e kemi kënduar, asnjëherë s’e kemi kuptuar “Cotton Eye Joe”?
Pawel Krystian Lapczynski: As ne nuk e dimë, as tani. Mendoj se në fakt është dhe nuk tallem, ka të bëjë me një sëmundje në organet gjenitale. E kam me gjithë mend. Verbohesh pas asaj sëmundjes ndaj quhet “Cotton Eye Joe”.
Rudina Magjistari: Kështu që cili është mesazhi që vjen nga kjo këngë?
Pawel Krystian Lapczynski: Përdorni prezervativë.
