Derbi foli në fushë, Tirana ishte fituese me meritë ndoshta ndaj Partizanit por në aspektin e tifozerisë la për të dëshiruar.
Disa herë u ndërpre ndeshja për tymuese të hedhur nga tifozët e Tiranës të cilët e tepruan në momentin e penalltisë së përsëritur duke shkulur stolat.
Të mendosh që këtu do të luhet finalja e Conference League, nuk është një pamje që reklamon futbollin shqiptar.
Në fund u evitua edhe një përplasje mes tifozerive, një mbrëmje që duhet harruar sa më shpejt por dënimi do të jetë i fortë për këto incidente.
