Një shtetas shqiptar, rezident në Olbia, Sardenja, është arrestuar nga policia italiane pas një mandati të lëshuar nga drejtësia zvicerane.
Afrim Myrtaj, 48 vjeç, punëtor në ndërtim, akuzohet për vjedhje e grabitje në disa argjendari në Zvicër. Mbi të rëndon një mandat arresti ndërkombëtar dhe ekstradimi në vendin e akuzës.
Myrtaj është identifikuar ditët e fundit nga seksioni anti-krim i policisë në OIbia dhe është arrestuar. Procesi i ekstradimit do të zhvillohet sot në Gjykatën e Apelit në Sassari.
