Ish-deputeti demokrat Aldo Bumçi, anëtar i Komisionit të Rithemelimit të PD, u shpreh se në këto 3 muaj e fundit të gjithë e dinë se shumica e demokratëve nuk e duan më Lulzim Bashën si kryetar të PD-së.
Ai tha se Basha paralajmëroi protesta dhe luftë kundër krimit zgjedhor, por nuk bëri asnjërën nga këto duke mos i çuar aksionet deri në fund.
“Në këto 3 muaj e fundit të gjithë e dinë se shumica e demokratëve nuk e duan më Bashën si kryetar të PD-së. Ky nuk është një lajm që habit ndonjë person. Ne nuk arritëm që të sillnim ndryshimin e mirëpritur ndërsa Basha paralajmëroi veprime të forta. Basha ose t’i çonte aksionet deri në fund ose të tërhiqej. Nëse do ta kishte vazhduar atë betejë kapitulli i zgjedhjet nuk do të quhej i mbyllur dhe nuk do të kërkonim dorëheqjen e zgjedhjeve.
Po ashtu këto ditë kanë dalë të dhënat personale të qytetarëve. 4 ditë para zgjedhjeve është vënë në dukje se të dhënat personale të qytetarëve janë duke u përdorur nga partia në pushtet. Ndërkohë ne në 8 vite e kemi ndjekur Bashën dhe ai nuk ka bërë një protestë pas humbjes në zgjedhje duke njohur Ramën dhe parlamentin aktual. Mori një vendim vetjak në raport me Berishës ndërsa nuk njeh as vendimet e Kuvendit të 11 dhjetorit”.
Bumçi shtoi se shumica e demokratëve vendosi në 11 dhjetor dhe në referendum shkarkimin e Bashës i cili është fshehur në zyrë.
“Basha doli një ditë dhe shkarkoi Berishën. Shumica e demokratëve vendosi në 11 dhjetor dhe në referendum shkarkimin e Bashës. Kryetari nuk qëndron sepse do ai, por sepse shumica e partisë qëndron pas tij. Është një shumicë dërrmuese që nuk është me Bashën, i cili është mbyllur në selinë e partisë”, tha ai.
