Roland Bejko, i ftuar në RTV Ora u shpreh se kjo që ka ndodhur me publikimin e listës së pagave është një vepër penale dhe një skandal publik.
Ai shprehet se përgjegjëse për këtë është qëveria, ndërsa shton se Çdo qytetar shqiptar duhet ta padisë qeverinë te gjykata e të drejtave të njeriut.
Bejko: Kjo që ka ndodhur ma listën e pagave është një vepër penale dhe një skandal publik. Media e ka denoncuar paradhomën e këtij skandali qysh me patronazhistët. Qeveria duke dashur të heqë vetullat ka nxjerrë sytë me sistemin e-Albania ku zotërohen të gjithë të dhënat e qytetarëve shqiptare. Qeveria shqiptare këto të dhëna i ka nxjerrë në publik. Çdo qytetar shqiptar duhet ta padisë qeverinë te gjykata e të drejtave të njeriut. Këto të dhëna i interesojnë botës së krimit dhe gjithkush mund t’i përdorë sipas interesit.
Përgjegjëse në këtë rast është qeveria dhe pas hetimeve të organeve kompetente kryeministri duhet të japë dorëheqjen sepse është një skandal shumë i madh. Janë shpenzuar miliona euro për të mbrojtur të dhënat personale. Nuk është vetëm çështja e pagave, por numri ID dhe nesër mund të dalin edhe numrat e llogarive të bankave. Besimi i qytetarëve është zero. Mirë ndodhi me patronazhistët në fushatë elektorale ku ishte një strukturë për votat.
