Zonja e Parë e Francës, Brigitte Macron planifikon të ndërmarrë veprime ligjore mbi thashethemet e qarkulluara në Twitter se ajo ka lindur burrë dhe jo grua, sipas mediave franceze.
Këtë muaj, pretendimet u përhapën në platformën e mediave sociale se zonja e parë e Francës lindi si një burrë i quajtur Jean-Michel Trogneux.
Gruaja 63-vjeçare e presidentit francez Emmanuel Macron tani do të padisë nxitësit e teorisë së konspiracionit, raportoi gazeta “Le Figaro”.
Thashethemet nisën kur revista e krahut të djathtë Faits et Documents botoi një artikull në shtator duke pretenduar se kishte kryer një hetim tre-vjeçar ndaj zonjës Macron dhe se teoria e saj u mbështet nga shumë ekspertë, raportoi gazeta franceze “CNews”.
