Ministri gjerman i Shëndetësisë, Karl Lauterbach tha se vaksinoi dy fëmijë kundër koronavirusit gjatë një vizite në qytetin verior të Hanoverit.
Politikani social-demokrat vizitoi të premten një qendër vaksinimi në kopshtin zoologjik të Hanoverit.
“Më duket prekëse dhe mbresëlënëse çfarë sakrificash kanë qenë të gatshëm të bëjnë fëmijët dhe për këtë ne duhet t’i vlerësojmë. Dhe më e pakta që mund të bëjmë është t’u bëjmë atyre një ofertë vaksinimi”, theksoi ai.
Më tej ministri tha se si vaksinator ishte i bindur ”se fëmijët që duan të vaksinohen vetë, me pëlqimin e prindërve, po i bëjnë një nder vetes, por edhe shoqërisë”.
Lauterbach kishte ndihmuar në një qendër vaksinimi në qytetin e Leverkusenit në pranverë para kohës së tij si ministër.
