Këngëtari i njohur Carlos Marin ka vdekur në moshën 53-vjeçare. Lajmin e trishtë e ka bërë me dije grupi përmes një postimi në rrjete sociale.
“Me zemër të thyer po ju bëjmë me dije se shoku dhe partneri ynë, Carlos Marin, ka ndërruar jetë. Ai do t’i mungojë miqve, familjes dhe fansave të tij.
Për 17 vjet ne të katër kemi qenë së bashku në këtë udhëtim të pabesueshëm të Il Divo dhe do të na mungojë miku ynë i dashur.”, thuhet në reagim. Më 16 dhjetor, grupi kishte postuar se Marín ishte në spital.
Shkaku i vdekjes nuk u bë i qartë, megjithëse mediat spanjolle raportojnë se Marín ishte intubuar pasi u shtrua në një njësi të kujdesit intensiv në Mançester.
