Analisti Armand Shkullaku, i ftuar në emisionin “Të Paekspozuarit” në MCN TV, ka folur për Kuvendin e Bashës, të mbajtur në 18 dhjetor.
Shkullaku tha se në sallën e Pallatit të Kongreseve nuk ka patur as 1800 delegatë, siç pranoi edhe vetë Ervin Salianji, po në këtë studio, duke thënë se në sallë kishte edhe militantë dhe simpatizantë të PD.
Shkullaku deklaroi se Basha është futur në një kurth, ku i mbush mendjen vetes se është shumicë.
“Ajo që është e trishtueshme, është se nuk e kuptojnë kurthin në të cilin kanë rënë. I kanë mbushur mendjen vetes që edhe në zgjedhje kanë fituar edhe lufta sapo ka filluar.
Kur gënjen edhe veten kjo bëhet tragjike dhe karikaturë. Këta po i mbushin mendjen vetes, që betejën me Sali Berishën e kanë fituar”, tha Shkullaku.
Analisti shpjegoi se si manipulon grupi Basha me Kuvendin e datës 18.
“PD në datën 18, zoti Basha nuk ka patur as 1800 delegatë. Salianji tha vetë se në sallë ka patur edhe simpatizantë dhe militantë, fëmijë, vëllezër motra. Edhe 1800 nuk ka qenë i mundur.
Në Kuvendin e datës 11 (të Berishës), pamë që çdo delegate, anash ka funksionin. Ti nuk je delegate se të caktoj une por për shkak të funksionit që ke në PD. Pra, ne pamë që listat që publikoi pjesa tjetër në datë 11, ishin emër, funksion, firmë.
Tani këta, mirë tha Salianji kanë vënë pak 5004 sepse mund të vinin sa të donin. Ata vërtet mund të kenë firmosur, por asnjë prej tyre, nuk ka anash funksionin që ka në PD. Edhe ne po të shkonim atje, mund të futeshim si delegatë.
Pallati i Kongreseve ka 1950 ulëse. Nga këto, sipas asaj që pamë dhe që na tha Salianji, paska patur edhe simpatizantë. Pra ka patur më pak se 1800 delegatë në sallë.
Nëse ka qenë 5000 në datën 11, rreth 1100 delegatë të PD ndodhen jashtë Shqipërisë, I bie 6100. Ngeleshin 1500 delegatë. Nëse këta kanë ardhur të gjithë, e dyshoj. Aty mund të kenë qenë rreth 700-800 vetë”, tha Shkullaku.
