Komisioni i përbashkët greko-shqiptar ka vendosur hapjen e një parcele për gjetjen e trupave të ushtarëve grekë të rënë në luftën italo-greke gjatë viteve 1940-1941.
Parcela ndodhet përbri stadiumit të qytetit të Përmetit dhe do të shtrihet me një gjatësi prej 80 metrash dhe gjerësi 40 metra.
Në vendin e përcaktuar për gërmime ka përfaqësues nga trupi diplomatik grek i akredituar në Tiranë, si dhe juristi i Prefekturës së Gjirokastrës. Mendohet se në këtë parcelë ka një varr masiv të ushtarëve grekë, ku sipas komisionit të përbashkët vlerësohet të jenë varrosur mbi 100 trupa.
