Ina Zhupa u kandidua për deputete në Qarkun e Vlorës, ndërsa iu besua zona e Sarandës.
Zhupa mori mandatin e deputetes nga lista shumëemërore, ndërsa sot konsiderohet si një prej deputeteve të besuara të Lulzim Bashës, i shkarkuar si Kryetar i PD-së nga Kuvendi i 11 dhjetorit, vendim i ratifikuar edhe nga referendumi i anëtarësisë, një ditë më parë.
Një prej demokratëve të Sarandës ka denoncuar atë që ka ndodhur me zgjedhjet e 25 prillit, kur gjatë fushatës, Zhupa punonte kundër një tjetër kandidati, Jolio Dines, që renditej poshtë saj në listën shumëemërore.
Por duket se Zhupa kishte frikën se mos Dine, një prej më aktivëve në fushatë, mblidhte votat dhe thyente herësin, ndaj dhe fushata e saj ishte e përqëndruar jo te mbledhja e votave për PD, që do të përkthehej më shumë mandate deputetësh, por te ajo që Dine s´duhej të votohej.
“Sa vota i solli Sarandës ajo?”
“Asnjë votë”, përgjigjet një demokrat, ndërsa shtoi “vente bridhte fshatrave që mos të votonin Joli Dinen”.
Video e mëposhtme, e emetuar nga Sarandaweb, tregon edhe atë që Lulzim Basha ka bërë gjatë fushatës, ku demokrati thotë se “ai erdhi vetëm njëherë në Sarandë dhe kë takoi: patronazhistët, ata që mbushën dje autobusët dhe u nisën drejt Tiranës”.
