Një shpërthim i fortë ka ndodhur pasditen e sotme në Lungomare të Vlorës. Nga të dhënat e para dyshohet edhe për dëme në njerëz.
Nga të dhënat e para bëhet fjalë për një shpërthim me tritol, ndërsa video e mëposhtme e transmetuar nga Faxnews, tregon për një person që ndodhet i shtrirë në tokë, ndërsa qytetarët mundohen ta ndihmojnë.
Ngjarja ka ndodhur në lagjen ‘10 Korriku’ në Vlorë jashtë një pallati, ku ka shpërthyer në rrethana ende te paqarta një sasi lënde eksplozive e për pasojë është dëmtuar në gjendje të rëndë një shtetas.
Shërbimet e policisë kanë shkuar menjëherë në vendngjarje dhe po punohet për zbardhjen e rrethanave të ngjarjes, bëjnë të ditur burime nga policia.
