Anëtarët e Partisë Demokratike u thirrën dje në një referendum për ratifikimin e vendimit të Kuvendit të 11 dhjetorit, ku u shkarkua me votat e mbi 4400 delegatëve nga posti i kreut të PD-së, Lulzim Basha.
Në një informacion zyrtar, Komisioni i Organizimit dhe Operacioneve Elektorale për verifikimin e materialeve zgjedhore, ka miratuar rezultatit përfundimtar të votimit në Referendumin për ratifikimin e vendimit Nr. 6 të Kuvendit Kombëtar për shkarkimin e Lulzim Bashës.
Në procesin e votimit kanë marrë pjesë 43879 anëtarë të PD, ndërsa pro shkarkimit të Lulzim Bashës si kryetar kanë votuar 43385 anëtarë.
Bazuar në të dhënat përfundimtare, kundër shkarkimit të Bashës janë shprehur 306 anëtarë, abstenim 17 dhe 171 vota kanë rezultuar të pavlefshme.
Në degën nr 8, e njohur edhe si zona e Lulzim Bashës, pro shkarkimit kanë votuar 760 anëtarë, 10 kanë qenë kundra dhe 4 vota kanë rezultuar të pavlefshme.
