Prej orës 08:00, në të gjitha degët e PD ka nisur procesi i votimit nga anëtarësia për të ratifikuar vendimin e Kuvendit Kombëtar, i cili shkarkoi nga funksioni i Kryetarit të kësaj partie, Lulzim Bashën
E ndërsa në disa prej degëve, votimi po zhvillohet në ambiente jashtë selisë së partisë, për shkak se disa nga kryetarët në detyrë kanë kyçur dyert për anëtarët, në degë të tjera ato po zhvillohen në zyrat e Partisë Demokratike.
Një anëtar i PD në Kamëz pasi ka votuar, ka zgjedhur të grisë kartën e anëtarësisë së partisë që ishte firmosur nga Lulzim Basha.
“Është me emrin e Bashës, nuk e njoh si kryetar, nuk e kam njohur asnjëherë”, tha ai.
