Jemi Gjana, në cilësinë e Kryetarit të Komisionit për mbarëvajtjen e punimeve të Kuvendit të thirrur nga Lulzim Basha, i cili po zhvillon punimet në Pallatin e Kongreseve, tha se janë 5004 delegatë.
Gjana tha se kjo nuk është thjesht një shifër, por janë emra që kanë firmosur si delegatë. Në fakt salla e Pallatit të Kongreseve nuk mban më shumë se 2500 persona, përfshi këtu edhe ambientet ndihmëse. Por edhe nëse merret e mirëqënë fakti se 5004 delegatë kanë firmosur dhe ishin preyent në sallë, nga 7600 të tillë që ka kjo parti, është një listë me mbi 1500 emra për të cilat ka dyshime se nuk kanë statusin e kandidatit. Kjo për faktin se emrat e shtuar nuk kanë funksione në PD për të qenë anëtarë.
Emrat janë pjesë e listës së lexuar pak ditë më parë publikisht nga Ina Zhupa, një ditë para se të mblidhej Kuvendi i 11 dhjetorit, dhe pas verifikimeve ato janë shtuar fiktivisht si delegatë.
Nuk dihet se kush mund të ketë shtuar emrat e mëposhtëm në listat e delegatëve, por nga burime brenda PD thuhet se në Kuvendin e korrikut, ato nuk ishin delegatë.
Mbeten për tu parë nëse ata janë ose jo realisht delegatë, pasi nëse nuk janë të tillë, edhe nëse merret e mirëqënë shifra e deklaruar nga Gjana, shifra zbret nën 50 % të numrit total të delegatëve.
Më poshtë mund të lexoni emrat, duke klikuar në linkun e mëposhtëm, për të cilat ka denoncime, se janë shtuar fiktivisht si delegatë për të legjitimuar Kuvendin e thirrur nga Lulzim Basha.
