Në Pallatin e Kongreseve në Tiranë, Lulzim Basha, i shkarkuar nga Kuvendi Kombëtar i 11 dhjetorit, ka mbledhur mbështetës të tij, në përpjekje për organizimin e një tjetër Kuvendi, ndërkohë që mijëra demokratë, anëtarë të PD, po votojnë në degët e kësaj partie, pvr të ratifikuar vendimin e shkarkimit të tij si krzetar i PD-së.
Gjithsesi, Basha ka mbushur sallën e Pallatit të Kongreseve, ku është caktuar edhe një komision për mbarëvajtjen e Kuvendit të thirrur prej tij, kryetar i së cilit është vendosur Jemin Gjana.
Ndërsa anëtarë të tjerë janë Gazment Bardhi, Grida Duma, Enkelejd Alibeaj dhe Flutura Açka.
Basha ka thirrur sot Kuvendin Kombëtar për të riorganizuar PD pas kundërshtive që lindën në radhët e saj lidhur me përjashtimin e ish kryetarit Berisha nga grupi parlamentar, si politikan i përcaktuar i papërshtatshëm nga SHBA, së bashku me familjen.
