Ilir Dizdari, një prej dhjetoristëve të ’90, fapi Kuvendin e thirrur nga Lulzim Basha, i cili po zhvillon punimet në Pallatin e Kongreseve në Tiranë. Dizdari thuri elozhe për Lulzim Bashën, foli kundër kultit të individit, kërkoi realizimin e amanetit, sikundër e quajti ai, përmbushjen e thirrjeve “ta bëjmë Shqipërinë si gjithë Europa”.
Dizdari në fakt ka qenë një prej drejtorëve të emëruar nga Kryeministri Edi Rama në vitin 2015 dhe po në të njëjtin vit është larguar nga detyra. Ai ka mbajtur postin e kryetarit të Komitetit të Kulteve.
Nuk dihet nëse më pas Dizdari është rikthyer në PD apo jo, por sot ai u shfaq si delegati i Lulzim Bashës, duke çelur edhe punimet e Kuvendit të thirrur prej tij.
