Lulzim Basha ka thirrur një Kuvend në 18 dhjetor, i cili pritet të nisë punimet në orën 11:00 në Pallatin e Kongreseve. E ndërsa për Kuvendin e 11 dhjetorit, Basha dhe mbështetës të tij kanë vënë në dyshim 4200 delegatët firmëtarë dhe mbi 4900 që morën pjesë, për Kuvendin e së shtunës nuk flitet për delegatë dhe s’është bërë publike asgjë. Gjithsesi duket se përpjekjet e Bashës dhe mbështetësve të tij janv që të mbushin sallën e Pallatit të Kongreseve, e cila nuk mban më shumë se 2300 persona.
Deputetja Oriola Pampuri në një intervistë për A2cnn flet për mbështetjen e madhe të anëtarësisë. E ndërsa nuk dihet nëse ajo që do të mbahet nesër është miting i thirrur nga Basha apo Kuvend, Pampuri shprehet se janë njoftuar anëtarët në të gjithë vendin për të ardhur në këtë Kuvend.
Në fakt deputetja duhet ta dijë që Kuvendi mbahet me delegatë dhe jo nga anëtarët, të cilët mund të mbushin sallën, por nëse s’janë delegatë, do të thotë që s’ka Kuvend. Gjithsesi për të kuptuar më shumë nëse nesër do të ketë Kuvend apo miting, mjafton të dëgjoni videon e mëposhtme
