Lulzim Basha, i cili u shkarkua si kryetar i PD nga Kuvendi Kombëtar i 11 dhjetorit, ka thirrur një tjetër Kuvend të demokratëve, i cili do të mbahet nesër në Pallatin e Kongreseve në Tiranë. Duke iu drejtuar mbështesve të tij, Basha ka publikuar një video, ku ve theksin se “nesër do të zgjedhim të ardhmen”.
Paralelisht me Kuvendin e thirrur nga Basha dhe mbështetës të tij, demokratët do ti drejtohen një referendumi, ku përmes parimit një anëtar një votë, do të shprehen nëse janë ose jo dakort për shkarkimin e Lulzim Bashës nga posti i kreut të PD.
Në Kuvendin e 11 dhjetorit, i thirrur nga mbi 4200 delegatë, dhe me pjesëmarrjen e mbi 4900 delegatëve, Basha u shkarkua me më shumë se 4400 vota. Por vendimin e këtij Kuvendi, i cili miratoi edhe ndryshimet statutore, si dhe ngriti një Komision Rithemelimi, nuk njihen nga Lulzim Basha dhe mbështetës të tij.
Nesër zgjedhim të ardhmen 🇦🇱✌️ pic.twitter.com/hHwwilp53v
— Lulzim Basha (@lulzimbasha_al) December 17, 2021
