Një aksident në punë ka ndodhur në Dropull, ku të plagosura kanë mbetur dy gra.
Nga raportimet mësohet se aksidenti ka ndodhur ndërsa gratë ishin duke pastruar fasadën e një godine të një kompanie në fshatin Vrisera.
Mësohet se dy gratë kanë rënë nga një lartësi rreth 15 metra dhe ndodhen në spitalin rajonal të Gjirokastrës. Njëra prej të plagosurave raportohet në gjendje të rëndë shëndetësore.
Gratë kishin hipur mbi kovën e improvizuar të një vinçi për të pastruar fasadën, por kova është shkëputur dhe për pasojë ato kanë rënë nga lartësia.
