Një 66-vjeçar është gjetur i pajetë në rrugë, në fshatin Berzeshtë të Librazhdit, këtë të Enjte. Dyshimet paraprake janë se 66-vjeçari Xhemal Kompula ka humbur jetën “për shkaqe natyrale”, konfirmoi policia.
“Rreth orës 15:35, në fshatin Berzeshtë, Librazhd, është gjetur i pajetë, në rrugë, pa shenja dhune, shtetasi Xhemal Kompula, rreth 66 vjeç. Nga hetimet paraprake, dyshohet se vdekja mund të jetë shkaktuar nga shkaqe natyrore”, thuhet në njoftimin e bluve.
Grupi hetimor po punon për sqarimin e rrethanave të ngjarjes, shtuan të njëjtat burime.
