Kënga “1-800-273-8255” e reperit Logic, titulli i së cilës është numri i telefonit të Linjës Kombëtare të Parandalimit të Vetëvrasjeve në SHBA, ndikoi në uljen e numrit të vetëvrasjeve.
Një raport i ri ka zbuluar se pas transmetimit të këngës janë rritur telefonatat për ndihmë nga kjo qendër.
Kënga flet për dikë që po lufton me shëndetin e tij mendor. Tekstet e tij transformohen nga një mesazh i mos dëshirës për të qenë i gjallë, në një mesazh shprese.
Ndryshimet u vërejtën më shumë pasi miliona e panë Logic duke e performuar atë në ‘MTV Video Music Awards 2017’ dhe ‘Grammy Awards 2018’.
Logic tha se kënga e tij ishte frymëzuar nga fansat që i thanë atij se muzika e tij u kishte shpëtuar jetën. Videoja muzikore për 1-800-273-8255 tregon një të ri homoseksual që lufton me ngacmimin dhe ndjenjat vetëvrasëse përpara se të thërrasë për ndihmë.
