Partia Demokratike zhvilloi më 11 dhjetor Kuvendin e saj të Jashtëyakonshëm me pjesëmarrjen e mbi 4900 delegatëve, ku ndër të tjera u vendos shkarkimi i Lulzim Bashës si kryetar i kësaj partie, u mirtuan ndryshimet statutore, si dhe u vendos ngritja e një Komisioni Rithemelimi, që përbëhet nga 29 anëtarë.
Vendimet e Kuvendit nuk njihen nga Basha dhe mbështetës të tij, të cilët mbajnë funksionet drejtuese në PD, që nga Sekretari i Përgjithshëm, Nënkryetarët dhe disa anëtarë kryesie e deputetë.
Basha ka thirrur një Kuvend më 18 dhjetor, i cili do të mbahet në Pallatin e Kongreseve, ndërsa paralelisht Komisioni i Rithemelimit të PD, ka thirrur një referendum ku anëtarësia e partisë, përmes parimit “1 anëtar, 1 votë” do të shprehet për shkarkimin ose jo të Lulzim Bashës nga posti i kreut të PD.
Aktivistja Elona Caslli duke publikuar pamje nga Kuvendi i 11 dhjetorit përcjell një mesazh për Lulzim Bashën.
“Duke parë studio televizive të ndryshme dal në përfundimin se duhet të kesh një guxim shumë të madh për të vënë në diskutim një prani të tillë njerëzish dhe të dyshosh për qëllimin e këtyre njerëzve.
Post Scriptum- Komplimentoj ” guximtarët””, shkruan ajo.
