Producenti muzikor Flow La Movie ishte në mesin e 9 personave që humbën jetën nga përplasja e avionit privat në Republikën Domenikane. Partnerja e tij, Debbie Von Marie Jiménez Garcia, dhe djali i tyre 4-vjeçar Jayden Hernandez gjithashtu mbetën viktima të aksidentit tragjik.
Sipas të dhënave, avioni Gulfstream IV i nisur për në Florida u ngrit nga Aeroporti Ndërkombëtar Isabela. Pak kohë më vonë, u përpoq të bënte ulje emergjente, por u aksidentua në Aeroportin Ndërkombëtar Las Americas aty pranë.
Flow është producent i një sërë Hitesh, përfshirë “Te Boté” të Bad Bunny, Nicky Jam dhe Ozuna. Hiti kryesoi listën e këngëve latine në Billboard për 14 javë pas publikimit të saj në 2018.
Gjatë gjithë karrierës së tij, ai prodhoi këngë edhe për artistë latinë si Manuel Turizo, Don Omar, Natti Natasha, J Balvin, Myke Towers, Anuel AA.
